بايرام گلير
محممد كوميجانلي
بايرام گليب يوووخلاشوب اوولره
باهار ياخونلاشوب بيزيم باغلارا
عئشقدن دولوب بعضيلرين سينه سي
بعضيلرئ عئشقدن چيخيب داغلارا
خانملار اولرئ سیریب سوپوروب
کٶهنه پالتارلارئ کسیب چویروب
یویوب پرده لرئ قاپودان آسوب
هر ایشینی گٶروب گٶز یولدا قالوب
بلکه گله ارئ، اوغلی، قارداشی
بلکه گله هر کیمسه سی یولداشی
یئنگه ایلده هامو بیر بیر یقیلسین
یقیلسین و کٶهنه ایلدن آتولسون
کوچه لرده قیشی یئلی اسیرئ
یئلی سوزه آدام بورنون کسیرئ
آمما سبزه چیخیب یئردن باخورئ
یاواش یاواش اٶزونه یئر آچورئ
بو ییل بایرام سیزه موبارک اولسون
گله ن باهار سیزه موبارک اولسون
دوشمنلیکلر سینه لردن کسیلسین
دوشمنلیک یئرینی دوستلیکلر آلسون
یکشنبه 20 / 12 / 85 محمد کمیجانی
Labels: بايرام, محمد كميجاني
0 Comments:
Post a Comment
<< Home