قاراقانلي عاشيق رمضان باقي / اسدالله امیری
قاراقانلي عاشيق رمضان باقي / اسدالله امیری
قئزاران ۱, ۱۳۸۷
آلمایولو: « قوم – ساوه شعر و موزیک ساحه‌سی تام زنگین بیر گله‌نه‌یه دایانارکن اسفلرله ۵۷ دئوریمیندن اؤنجه باشقا تورک توپلوملارینا قارانلیق قالمیشدی. علی کمالی‌نین گئنیش سویه‌ده چابالاری و بو اساسدا قوردوغو ایلگی‌لر، خرج ائتدی‌یی پارالار و اوستاد دوکتور هیئت کیمی بؤیوک داهی‌لر و اونونلا یاناشی، وارلیق مکتبی عالیم‌لری‌نین توجه نوقطه‌لرینی بورادا یاشایان تورک توپلومو و اونلارین مدنیت‌لرینه جلب ائتمک، بو موحیطی آز دا اولسا تانیتدیرمیشدی.
مهران بهاری‌نین دا اینترنت آلانیندا بو موحیطی تانیتدیرماغا بؤیوک ماراغی و چابالاری اولموشدور.
سونرالار بئش ایل بوندان اؤنجه پیام قم و گویه درگی لرینده یاییملادیغیمیز بیر سیرا بیلگی‌لر و موصاحیبه‌لر ده بو موحیطده اؤنملی گلیشیم‌لره سبب اولدو.
اوستاد دوکتور علی قافقازیالی‌نین یازدیغی “ایران تورک عاشیق موحیط‌لری”-نین «قوم – ساوه عاشیق موحیطی» بؤلومو ایلک دؤنه اولاراق بو موحیطده اولان تورک ادبیاتی و شعرینی آکادمیک سویه‌ده و ییغجام بیر شکیلده تانیتدیردی. دوکتور قافقازیالی دا بو ایشی قومدا «تورک ادبیات اوتاغی» اویه‌لری‌نین یاردیمی ایله گؤره بیلمیشدی.
ایندی ایسه مهندس امیری بورادا اولان عاشیق و شاعیرلری حوصله ایله بیر بیر تانیتماغا باشلاییب‌دیر. امیری تیلیم‌خان دیوانینی توپلاییب نشر ائدندن سونرا هئچ ده دایانماییب، و بیر باشا آراشدیرمالارینا داوام ائدیر. آلما یولو صحیفه‌سی‌نین ان بؤیوک افتخارلاریندان بیریسی ده بو موحیطده یاشایان شاعرلر، یازارلار و عاشیق‌لاری تانیتدیرماق و ها بئله امیری‌نین مقاله‌لری‌نین نشر ائتمه‌سی اولموشدور. سایین مهندس امیری یه بوتون حیات ساحه‌لرینده باشاریلار آرزیلاییب و اونون بیر مقاله‌سینی سایین اوخوجولارا تقدیم ائدیریک.»
آی قاراقان سنین بختین یاتماسین
ایگیدلرین اوزون پولا ساتماسین
باخسون گورسون یاخچو نه دی پیس ندی
دمیر ندی قیزیل ندی میس ندی
” قاراقانلی غیبعلی”
قاراقانلي عاشيق رمضان باقي
دوغوم: ۱۳۳۵ گونش ايلي؛ قاراقانين رازقان شهري
اوچ ولايت اوستونه پارچالانميش قاراقان بؤلگه‌سينين مركزي اوستانيندا اولان رازقان شهرينده آنادان اولان عاشيق، عاشيقليق صنعتيني گئج باشلاميش‌سا دا گوج باشلادي.۳۵ ياشيندا اله چؤگور آلان عاشیق باقی، اوخول‌دا درس آلان زامان، ميز –نيمكتي ساز ائتدي‌یي و چالديغينا گؤره اؤيرتمن‌دن كؤتك ده يئييب‌دير. سونرالار بو هنره حدسيزجه سينه ماراغی وارسا دا عائله و اؤزلليكله آتاسي طرفيندن منع اولوبدور. حتي تهرانا گلندن سونرا بير دوكاندا آسيلميش “سه تار” اونون دويغوسونو اوياديب و علي قاسمي دن ۱۰۰۰ تومنه بير چؤگور آلماغا مجبور ائدير. آمما چؤگورو ائوه گتيرديك¬جه عائلهؤسي طرفيندن منفي قارشیلانیر و آتاسيندان بو سؤزو ائشيدير:”من ايسته ميرم قبريم اوستونه مطرب گلسين” و بونون اوچون آغلايا آغلايا چؤگورو گئری قایتاریر.
ايل‌لر سونرا جامعه‌نين هنره باخيشي ده‌یيشديكده و آتاسي دا رحمته قوووشاندان سونرا، رازقاندا “ازبيزانلي عاشيق علي كارگزار” بيرتويدا حكيم تيليم‌خان شعرلريندن اوخوياركن، دويغولانيب و حكيمين شعرلرينين بيريسين اوخودو. بو حادثه سبب اولور یینه بير چؤگور آليب اؤیرنمه‌یه جهد ائتسين. هئچ اوستاددان درس آلماميش عاشيق بير آي چاليشاندان سونرا،” ابراهيم دوستي” واسيطه‌سي ايله “عاشيق حسن شاهبوداغي” ني تاپير و اوندان آتالاريميزدان يادگار قالان عاشيق¬ليق صنعتيني اؤيره‌نير. من ائوينده قوناق اولاركن مني حكيمين شعرلري و باشقا زنگين ادبيات سوفره ميزدن اولان شعرلره و هابئله حكيم تيليم خان ديوانيندان اوخودوغو شعرلره قوناق ائتدي و نه موتلو بیر قوناقلیق!.
عاشيقين اوغلو “رضا باقي” آتاسينين امه‌یینی ايتيرم ييب و آتاسيندان دا گؤزل چؤگور چالير و آتا بونا چوخ سئوينير.
عاشيق رمضان باقي¬يه گؤره عاشيق بئله اولمالی‌دير:
- عاشيقين گرك محبتي و ائلدارليغي اولا؛
- عاشيقين گرك قاپيسي آچيق اولا؛
- عائيله سي قوناق سئور اولا.
*
بيزيم عاشيق‌ین اوخودوغو شعر- دستانلاربونلاردان عبارت‌دیر: حكيم تيليم خان، توركمان محمود، عاشيق رضعلي، اصلي وكرم، كوراوغلو، عاشيق غريب، -افروزومعصوم، بهرام و گول اندام، طاهير ميرزا، شاه ايسماييل….
اؤزو مظلوم دوشموش عاشيقيميز حكيم تيليم خاني بئله تانيتديرير: “چوخ عاريف، حكيم، مخصوصا مؤمن شاعيردير و حياتيندا مظلوم اولوب”.
عاشيق باقي¬نين نظرينجه ايندي كي عاشيقلاردان “اوستاد عاشيق مسيح الله رضايي”، ” اوستاد عاشيق علي رمضاني(گونش)” و”سنگك¬لي عاشيق محمدحسن”ين باشقا يئرلري اولسا دا، “عاشيق حسين علي حسيني”، “عاشيق تقي محيط” ، “چينارلي عاشيق قياس جباري”، “مردآبادلي عاشيق علي حسين جمالي”، عاشيق ايسماييل شاهمرادي‌نين شاگيردي اولان” نظرآبادلي عاشيق بالاخان دان” واز گئچمك اولماز.
عاشيقا و عائيله سينه حيات بويو باشاري و ساغليق آرزو ائديريك.
“عاشيق باقي¬ني ياد ائيله
اوزوم دؤنوب سنه ساري”
عاشیق رمضان باقی
عاشيق رمضان باقي نين تلفن نومره لري: ۰۲۲۹۴۳۱۴۲۵۰ و ۰۹۱۹۳۲۳۲۲۰۵
0 Comments:
Post a Comment
<< Home