حکیم تیلیم خان 5 ینجی قورولتایی تورکجه گزارشی/ اسدالله امیری

حکیم تیلیم خان 5 ینجی قورولتایی تورکجه گزارشی/ اسدالله امیری
اولو تانری آدی ایله

ایتیردیم پاییز چاغیندا

تاپدیم مرغئی داغیندا........

چهارشنبه گونو، 26/04/1387تاریخی، حضرت علی (ع) دوغوم گونونده، ساوانین مرغئی کندینده تورک و اسلام دونیاسینین بویوک شاعیری حکیم تیلیم خان اوچون محتشم بیر آغیرلاما توره نی گئچیریلدی. بو توره نین شعاری "هر شی تیلیم خان اوچون" ایدی. توره ن داود بی ذوقی نین قرآن-کریم­دن نئچه آیه تلاوتی ایله باشلاندی. سونرا آپاریجی حاج احمد امیری حضرت علی(ع) نین دوغوم گونونو تبریک ائدره رک، قوناقلارا خوش گلدین دئدی. سونرا مقاله و شعر اوخویانلار آشاغیدا قید اولونان ترتیب له تریبون آرخاسینا چاغیریلدیلار:

- اسدالله امیری، مقاله،( من سنی هاردا آختاریم)

- حیدر خادملو، شعر (حکیمین و اوز شعرین)

- اصغر کریمی، مقاله (هویت)

- حاج علی سیفی، شعر

- دوکتور حسین محمدخانی"گونئیلی"، دوکتور هیئتین پیغامی واوز مقاله سین(تیلیم خان شعرینده اویودلر)

- حاج احمد امیری، مقاله (سیری در اندیشه های دینی حکیم تیلیم خان)

- براتعلی فتح اللهی، شعر(بازگشت به خویشتن- گتیر کلشلریمی....)

- استاد اسدالله مردانی، دانیشیق(ارتباط ماذون قشقایی و تیلیم خان و...)

- حاج حسین هوشیار(حاج اکبر خان رزاقی دن بیر شعر)

- آقای پناهی، دانیشیق (تیلیم خان و عاشیقلارین رابیطه سی)

- حاج بیرامعلی معصومی، شعر(حکیم تیلیم خان شعرین)

- آغشین آق کمرلی، دانیشیق، حکیم تیلیم خانین شعری و دیلی حاقدا

- اوستاد هاشم طرلان، شعر

- اوستاد غلامرضا بهاری، شعر(بهارلی رضا و تیلیم خان و ...)

- بختیار فرخ، شعر(تیلیم، دیلیم، ائلیم)

- حاج اسماعیل مرادی، تیلیم خانین تاریخنامه شعرینی اوخودو(حاج اسماعیل اوزو نابینا اولدوغونا رغمن تیلیمین چوخ شعرلرین ازبردی)

- آقای امیر حسینی، مقاله، عشق دونیاسی

اذان زامانینا یاخینلاشارکن، ساعات 13 ده تئزدن مراسیمی باشا چاتیب و جمعیت مزارلیغا ساری یولا دوشوب و حکیمین مزارینا اوستاد آشیق علی رمضانی(گونش) الی ایله گول سوندولار.

سونرا مچیدده ناماز قیلیب و ناهار یئیه ندن سونرا کندین یاخینلیغینداکی بیرباغدا موسیقی و آشیقلار شوله نی باشلاندی.

باغداکی مراسیم آقای پالیزبان شعری ایله باشلانیب و برقین قطع اولماسینا رغمن آشیقلار ایفا ائتدیلر. شوله­نه قاتیلان آشیقلار:

- اوستاد آشیق مسیح الله رضایی

- اوستاد آشیق علی رمضانی(گونش)

- آشیق محمدعلی صحرایی

- آشیق نادر رنجبر

- آشیق صفدر خدمتی

- آشیق علی ولدخانی

- آشیق محمد خانکی

- آشیق رمضان باقی

- آشیق صفر کریمی

- ....

قورولتای ساعات 18 ده صلواتلا باشا چاتدی.

بو مراسم مرغئی کندینین دهیاری و اسلامی شوراسی و هابئله تیلیم خانی سئونلرین یاردیمی ایله قورولموشدو.

اسدالله امیری- 26/04/87- مرغئی کندی، ساوا

بو مراسیمدن نئچه گورونتو:
http://tilimxan.blogfa.com/post-24.aspx