ساوالی چاغداش شاعیر: حاج علی سیفی

ساوالی چاغداش شاعیر: حاج علی سیفی


آد و سوی آد : حاج علی سیفی

آتاسی‌نین آدی : صادقعلی

دوغوم ایل:1339 (گونش ایلی)

دوغوم یئری: ساوانین مرغئی کندی

ایش : صادرات بانکی کارمندی

مدنی ایشلرینین سابقه‌سی: 25 یاشدان شعر دئمه‌یه باشلاییب و ایلک شعرینی فارسجا دئییب. آمّا اوشاقلیق دؤوروندن تورک ادبیاتی، مخصوصاً تیلیم خانین شعرلری ایله تانیش اولموش. آتاسی رحمتلیک صادقعلی سیفی، بیرچوخ تیلیم خانین شعرلریندن ازبرایمیش و گؤزل سسی ایله اوخورموش. یاخین اوچ مین (3000) بیت فارسجا شعر(غزل ،مثنوی، طنز, و انتقاد) و 80 قطعه تورکجه شعر (غزل و بئش-بئش) یازمیش کی هله‌لیک اونون بو شعرلری توپلانمامیشدیر. رحمتلی علی کمالی تیلیم خان شعرلری اوزره چالیشان زامان، اونلا امکداشلیق ائدرکن تورک شعرینه ماراقلانیب و تورکجه شعر دئمه‌یه باشلاییب‌دیر.



حاج علی سیفی دن بیر شعر:



فلک مني آيري ساليب ائليمدن
آغير ائليم خوش تباريم قال ايندي
بولبول کيمي آيري دوٍشدوم گوٍلومدن
باغ و بوستان او گوٍلزاريم قال ايندي

هئي قاچارديم هئي ييخيليب دورارديم
دوستلارينان انجمن¬لر قورارديم
دوست باغيندان آلما هئيوا دررديم
جوان عؤمروم آرزولاريم قال ايندي

گئچن گوٍنوم گاهدان ياخچي چاغلارام
گاهدان دؤنوب قيحا چکيب آغلارام
غم خرمنين دؤگوب يوٍکون باغلارام
من گئدرم هرنه واريم قال ايندي

ايشيم دوٍشگون اولدو يولوم درازا
فلک منيم داشيم آتدي شيرازا
من اؤلسم غوربتده قبريم کيم قازا
باجي, قارداش, آنا, ياريم قال ايندي

علي دائم غوربت ائلده آغلييه
درد بيلنلر اوٍرگيني داغلييه
غريب اؤلسم کيم گؤزلريم باغلييه؟
شيرين سؤزوم خوش گفتاريم قال ايندي
*****

حاج علی سیفی دن باشقا شغرلر اوخوماق اوچون بورا باخین: www.telimxan.blogfa.com