مرداد آیینین اون بیری؛ علی کمالی نین وفاتی
http://qaraguney.blogfa.com/post-26.aspx
۱۱/۵/۱۳۷۵ (۲/۸/۱۹۹۶) تاریخینده ساوا خالقی بؤیوک عالیمینی ایتیردی. رحمتلیک دوکتور علی کمالی، برکتلی عؤمرونون سون گونلرینه دک دیلیمیزه، ادبیاتیمیزا، کولتوروموزه و کیملیگیمیزه قوللوق ائتدی. او اونودولماقدا اولان و اونودولموش شاعیرلری و مدنی شخصیتلریمیزین اثرلرینی توپلاییب و ادبیات دونیاسینا تانیتدیردی. تانری یئرین جنت ائتسین.
علی کمالی نین مزار داشی و یازیسی:
اؤلمهین تانریدیر
شاعیر و محقق بیرینجی درجهلی عدلیه وکیلی شادروان علی کمالی رحمتلیک اکبر کمالینین بؤیوک اوغلونون صون ائوی
من ائلین دردلرین بیربهبیر دویدوم
ائلینن آغلادیم ائلینن گولدوم
چالیشدیم کی یایام آنا دیلیمی
من ائلین دردیندن سارالدیم سولدوم
تاپدیم تیلیم خانین خزینهسینی
بونونلا شاد اولدو بو حزین گؤنلوم
یتیرهبیلمهدیم اونو خالقیما
قویمایین سارالسین سولسون بو گولوم
چوخ نیسگیللر قالدی بو اورگیمده
هامیسیندان آرتیق تیلیمدیر، دیلیم
یازین باش داشیما بو مصراعی سیز
کمالین ابدی یاشادار تیلیم
دوغوم 11/1/1323
اؤلوم 11/5/1375
+ نوشته شده در سه شنبه دوازدهم مرداد 1389ساعت توسط اسدالله امیری
0 Comments:
Post a Comment
<< Home