قلبیمیزده یاشایان; علی کمالی
http://qaraguney.blogfa.com/post-47.aspx
ساوالی شاعیر صفرعلی غیبی دئییر: بندامیرلی بیر علی کمالی واریدی, وکیل ایدی. او ایل گلدی منیم یانیما, دئدی شعرلرییی وئر من چاپ ائلهتدیریم. دئدیم اولسون و ...
ماراغالی بیر دوستوموز دئییر: مدرسهده تئزدن صفه دورموشوق. گؤردوک پالتوولو بیر نفر گلدی, اؤیرتمنیمیز اولان شاعیر باریشماز لا دانیشیق آپاراندان سونرا, معلم گدی کیلاسا و او پالتوولو آدامین کیم اولدوغونو بیزه آنلاتدی: ساوا تورکلریندن اولان وکیل علی کمالیدیر, گلیب قاراباغ مسلمان تورکلرینه یاردیم ییغیر.
اندیشه نو یاییم ائوینین مودورو سایین یوسف قوسی فرزانه دئییر: رحمتلیک کمالی بیر گون قاراباغ سورگونلری ایچین آزربایجان جمهوریسینه باشماق آپاریر سینیردا اوتایین مأمورو کمالینی آل- وئرچی ساندیغی ایچین بیلهسیندن روشوت ایستهییر. کمالی قونونو آنلاتاندان سونرا, سینیر مأمورو اوتانیر و عذر ایستهییر.
علی کمالینین اوغلو کامران دئییر: بابام تهراندا درس اوخویان ایللر, گئجهلر درس اوخویان زامان گؤزلرینه یوخو گلمهسین دئیه گؤگرچین دنی یئییرمیش...
ساوادا هر قلم و کولتور اهالیسی اولان اینساندا کمالینین ایزی گؤرونور. وارلیق درگیسی ایران تورک ادبیاتیندا بیر مکتب اولسادا کمالینین وارلیق دا یازدیغی مقالهلر, ساوا کولتور و ادبیاتی ایچین اؤزل بیر مکتبدیر. او یوزدن دکتر جواد هیئت کمالینی میللی قهرمان آدلاندیریر.
علی کمالی ادبیات و کولتوروموز یولوندا چکدیگی بوتون زحمتلره گؤره, دائما بیزیم قلبیمیزده یاشایان, خلقینه ایشیق ساچان بیر دوشونوردور. تانری یئرینی جنت ائتسین.
بو لینکه ده باخین لوطفن: http://qaraguney.blogfa.com/post-26.aspx
+ نوشته شده در شنبه بیست و چهارم مهر 1389ساعت توسط اسدالله امیری
0 Comments:
Post a Comment
<< Home